تضيق الدنيا فيها.. اتبعثر..يختنق صدرها بانفاسها من غصه..تهدد عينها بمطر ..من لهب ونار..
اتذكر الي راح..تحرقها الذكرى مع بروده الوحده.. والعطش ..
اتذكر الي راح..تحرقها الذكرى مع بروده الوحده.. والعطش ..
لاذن تسمع..ولايد تنمد..بحب..تفتح لها باب.. لقلب..يستقبلها ..ويبدد الهموم والالم..ويداوي جرح الفراق.. ضمى الشوق ..وحنين الوله..
مثل ما قلت قبل.. التعبيرعن الحب اهم من الحب نفسه..
الاحتياج للحضن..
هالحركه ورده الفعل هذي .. لها سحرها في القلب والعقل .. وسيلة سريعه لتوصيل المشاعر..والاحتفاظ بالود والحب ..
مهما كان نوع الحب..او نوع الفقد..(العاطفه من الامومه والابوه..الصداقه والانس..الخ)
بالنسبه لي اشوف في هالحركه.. الامان..
احس.. انها مرتاحه ..تدري ان في احد تعتمد عليه..ظهر يحميها .. يرعاها.. يهتم فيها ويصونها..
ليش ؟؟
ما ادري..يمكن من طريقه الحضن؟؟الي تحسس بالاحتواء..
كل واحد منا محتاج للحضن الي ينسيه همومه..يريحه ويشيل عنه..
السؤال يقول..
شنو تعنيلك هالحركه؟؟
هل كنت بيوم الحضن الدافي ؟؟ الي سمع هموم غيره.. وخفف عنهم؟؟
كان صدرك وسيع وتحملت ؟؟ كنت مرسى الامان؟؟
شنو شعورك وانت الحاضن او المحضون؟؟
كوربس :*
ردحذفموضوع حلو وايد ..
بالنسبه لي دائما اكون المحضونه بصراحه .. دائما انا الي اشكي همي والحمدلله الاقي الحضن الي يلمني ( اختي ) .. بس الي استغرب منه ان ولا مره صرت انا الحضن الدافي الي يخفف عن الناس
بالنسبه لي مو مستغربه ليش لان ادري ( كل قراراتي غلط وتطلع عكس المتوقع دائما ) .. يمكن عشان جذي ما احب انصح احد اخاف اخرب شي انا ما يحق لي اتدخل فيه
انا دايماً أحمل هم اللي يشكي لي واكون بو حضن دافي الا مشغلة الدفاية :p
ردحذفبس ما احب اكون المحضونة .. استحي :$
انجي..:**
ردحذفانتي الاحلى...
الله يخليكم لبعض ولا يحرمكم من يمعتكم..
احلى شي لما يكون سرج وامانج ومرساج عند اقرب الناس لج ..اختج..
باعتقادي محد بيخاف عليج كثرها.. ولا بيحب مصلحتج مثلها..
بس اكيد بيي يوم تحتاجج فيه.. تزهبي لهذا اليوم..
وخلي ثقتج بنفسج اكبر.. ممكن لما انكون احنا بمشكله انتسرع .. بس نقدر نحكم على مشاكل غيرنا بعقلانيه وحياديه دام الموضوع ما يمسنا لا من قريب ولا بعيد..
انا اثق فيج .. هذا كافي :)
******************
حياتي هدف..
انا معاج..
اهم شي مشغله الدفايه p:
حلو انج تعطين..بس الاحلى انج تاخذين وتعطين..
يعني متبادل..
ولا شرايج؟؟
اخيييييييييييييييييه على هالموضوع
ردحذفكوربس بدعتي ,,
انا اصير الحاضنة مع اليهال ليش احسهم محتاجين واحد يشيل عنهم التعب و يعطيهم الحنان و القوة ,,
اما اصير المحضونة هم شعور حلو و يحسسج بالراحة بس لا يزيد عن حده اختنق بعدين :P
بصراحة ودي اعبر اكثر بس .... :$
بيوووووووووري
ردحذفعندي بنت اخوي لي بغت تلم تحرك اصابع ايدهااا..
يعني تلم من قلب على اتدبخج..
فديتهااا وفديت لمتهاا..
احس اليهال يعطونج طاقه وامل بحضنهم ما ادري.. اهو شعور حلوو ما ينوصف..
تدرين يقولون الاحتضان يخلي الجلد املس ,ويساعد الاحتضان علي الوقاية من الامراض .
ردحذفانا كنت مرسي اكثر من كوني سفينه بس هالايام ابي اكون سفينه وبس اغير شويه :)
الصراحة موضوعج حلو ويديد .
أفضل اكون المرسى
ردحذفموضوعك راقي
سويت ..
ردحذفصح انا سمعت ان الاحتضان يقي من امراض خصوصا للمرأه.. سبحان الله..
من امراض القلب وضغط الدم..
هذا غير الشعوور المعنوي بالرااااحه..
وحلو التغيير على فكره :)
وحياج الله..
براك حياك الله..
ردحذف"أفضل اكون المرسى"
بس ليش؟؟
اشكر مرورك..
احتياجـ الانسانـ للحضنـ الدافئ اشبهـ باحتياجهـ للغطاء بايامـ الشتاء
ردحذفانهـ ذلكـ الحضنـ الذي يحتاجهـ كل منا ليواصلـ حياتـهـ و يتخطى ازماتهـ
كاذبـ من يقولـ أنه لايتمنى وجود انسانـ يحتضنهـ ..
ويشعرهـ بالدفء في أعماقهـ .. وأنهـ يستطيع أن يعيشـ وحيد .. بارد .. قاسي ..
كاذبـ من يقولـ بأنهـ لايتمنى وجود
أبـــ
أمـــ
أخـــ
أختـــ
صديقـــ
حبيبـــ
يحتضنهـ .. ويشعرهـ بأمانـ افتقدهـ .. يمسح دمعاتهـ
يعالجـ آلامـ روحهـ ...... يعانقـ وجعهـ .. ليصحو بعدها .. ولتصحو روحهـ
ولتنبضـ بهمساتـ امتنانـ الى كل من احتضن همهـ..قلبهـ .. روحهـ .. جسدهـ ..!!
تسلمينـ علـى الموضوعــ
قد وصلنيـ احساسـك قبل كلماتك...
ك ن م و ت ع ل ي ك
اميره قلبي انا..
ردحذفمو لاقيه كلام ارد عليج فيه..
غير كنموت عليج:***
مساء الخير
ردحذفكلمات حب وحنان نابعة من شخص خاض التجربة
ونتمنى لج التوفيق